 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Pamiaci dzieda
#1
Jakoju chałodnaj była vosień taja!
Daždžy dzień i noč cierušyłi nad hajem!
Dziadula, prybraŭšy razmytuju hłinu,
Kalučuju dzičku sadziŭ kala tynu.
Jakoju chałodnaj była vosień taja!
Na pokucie śviečka mirhała «śviataja»!
Zajšłasia ad płaču babułina chata,
Haściej naźbirałasia nadta bahata.
Jakoju chałodnaj była vosień taja!
Lažała pad piečču bulba hniłaja!
I stukała ŭ šybu dziubaj słaboju,
Kłikała ptuška dzieda z saboju
U vyraj...
#2
Kałiści na tvaich kaleniach
Pravodziła hadziny siedźma.
Słuchała – vybiahałi aleni,
Słuchała – vypłyvała viedźma
Adniekul zdaloku-zdaloku...
Ja zasynała, i ŭ śnie
Prynosiŭ mnie busieł halopu
Na biełym svaim kryle,
Prynosiŭ...
Ciapier tyja kazki zdaloku
Płyvuć u pramiennym śviatle!
Taksama prynosić halopu
Mnie busieł na biełym kryle.
Sprabuju – sałodkaja pyška,
Dziacinstva ž majo saładziej,
Zvyčajnaja cacka i šyška
Chvajovaja – stolki padziej
Ŭ dziacinstvie...
Daleka dziacinstva, daleka!
Pryjedzieš, za vioskaj staiš.
Čarnieje u letniuju śpioku
Dziadułin parepany kryž.
Niadoŭha šukaju ściažynku,
Mahiła travoj parasła.
Prychodžu siudy na chviłinku –
Ja ž na kaleniach rasła
Dziadułinych.
#3
Strach prakryčyć mnie: «Hlań
Puhač za rakoju vuchnie,
Biełaja, biełaja zdań
Cicha u šybu stuknie –
Heta dziadula!
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
